Teknoloġiji bbażati fuq il-linka tipikament jintużaw għall-awtentikazzjoni tal-prodott, iżda jistgħu jintużaw ukoll għall-identifikazzjoni u t-traċċar jekk ikun inkluż kodiċi uniku ta' identifikazzjoni tal-prodott fil-markar.

Ħafna minn dawn it-teknoloġiji huma rħas u relattivament faċli biex jiġu applikati. Huma effettivi ħafna u jintużaw l-aktar komunement biex jawtentikaw prodotti tal-karta, bħal oġġetti ta’ valur u dokumenti tal-karta. 

Hemm diversi tipi differenti ta’ linka li jistgħu jintużaw biex jimmarkaw prodotti għal skopijiet kontra l-falsifikazzjoni. Dawn jistgħu jiġu distinti minn: 

• reazzjoni għall-kimiċi 
• proċedura tal-qari 
• għodda tal-qari 
• karatteristiċi speċifiċi.

Il-linka kontra l-falsifikazzjoni tista’ tkun ukoll viżibbli jew inviżibbli. Il-linka inviżibbli tintuża biex: 

• tevita li tbiddel id-dehra tal-prodott 
• tevita interferenza mal-ipproċessar sussegwenti tal-prodott 
• tipprevjeni skoperta faċli minn falsifikaturi potenzjali.