Avviżi legali

META TUŻA DAN IS-SIT WEB, QED TAQBEL LI TKUN MARBUT B'DAWN IT-TERMINI U KONDIZZJONIJIET. JEKK MA TAQBILX MA' WĦUD MINN DAWN IT-TERMINI U KONDIZZJONIJIET IMSEMMIJA HAWNHEKK, JEKK JOGĦĠBOK TUŻAX DAN IS-SIT WEB JEW KWALUNKWE INFORMAZZJONI JEW SERVIZZ HAWNHEKK IMSEMMI.

Dwar is-sit web

Waħda mill-missjonijiet tal-Uffiċċju tal-Proprjetà Intellettwali tal-Unjoni Ewropea (EUIPO) hija li jkunu amministrati s-sistemi ta' reġistrazzjoni tal-Unjoni Ewropea tat-trade mark u d-disinn Komunitarju. Biex twettaq din il-missjoni, l-EUIPO toffri servizzi telematiċi li jirrikjedu teknoloġiji kapaċi li jibagħtu, jirċievu u jaħżnu l-informazzjoni.

L-iskop ġenerali tas-sit web huwa li jiffaċilita u jtejjeb l-aċċess pubbliku għar-Reġistru u l-Informazzjoni miżmuma mill-EUIPO skont dispożizzjonijiet legali applikabbli, kif ukoll Informazzjoni rigward l-EUIPO u l-attivitajiet kollha tagħha (konferenzi, seminars, workxops, etc.). Servizzi Addizzjonali jippermettu li utenti rikonoxxuti jtellgħu u jniżżlu dokumenti u data minn fuq il-bażi ta' data interna tal-EUIPO. L-aċċess għas-Servizzi offruti via s-sit web jista' jeħtieġ l-awtentikazzjoni.

L-EUIPO jiggarantixxi li d-data u l-informazzjoni aċċessibbli via s-sit web u li jirreferu għar-Reġistri tal-UE tat-trade marks jew disinji Komunitarji reġistrati (RCDs) ser ikunu preċiżi u jirriflettu s-sitwazzjoni attwali.

L-EUIPO huwa impenjat li jiżgura d-disponibbiltà kontinwa tas-sit web u jipprovdi sigurtà fuq livell professjonali raġonevoli ta' kapaċità u attenzjoni. Madankollu, dan ma jistax jiġi ggarantit. L-aċċess għas-Sit web u s-Servizzi tiegħu, kultant, jista' jiġi sospiż, limitat jew ma jippermettix aċċess biex ikunu jistgħu jsiru tiswijiet, manutenzjoni jew introduzzjoni ta' servizzi ġodda jew faċilitajiet.

Termini applikabbli

L-aċċess għal, u l-użu ta', kull parti tas-sit web tal-EUIPO (minn hawn 'il quddiem 'is-Sit Web'), kull dokument, materjal jew informazzjoni oħra, fosthom data, test, immaġnijiet, u ħoss (minn hawn 'il quddiem 'Informazzjoni') li hija disponibbli fuq is-sit web u kwalunkwe wieħed mis-servizzi pprovduti via s-Sit Web (minn hawn 'il quddiem 'Servizzi') huma amministrati minn dawn it-termini u kondizzjonijiet ġenerali (minn hawn 'il quddiem 'Termini Ġenerali') u jikkostitwixxu aċċettazzjoni ta' dawn it-Termini Ġenerali mill-utent.

Termini u kondizzjonijiet speċifiċi jistgħu japplikaw għal servizzi individwali jew partijiet speċifiċi tas-Sit Web kif indikat għal dawk is-servizzi jew partijiet konċernati. Fejn imsemmi, termini speċifiċi jiġu qabel dispożizzjonijiet differenti fit-Termini Ġenerali rigward dawk is-servizzi jew partijiet.

L-EUIPO jirriserva d-dritt li jemenda dawn it-Termini Ġenerali u kull terminu speċifiku fuq is-Sit Web x'ħin irid billi jtella' termini u kondizzjonijiet emendati fuq is-Sit Web. Tali emendi jidħlu fis-seħħ dakinhar li jittellgħu.

Sjieda

L-EUIPO jopera f'netwerk ta' Uffiċċji Nazzjonali fl-Unjoni Ewropea (UE), kif ukoll fl-uffiċċji (IP) tal-proprjetà intelletwali maġġuri oħra barra l-UE b'għan komuni li jipprovdi punt ta' aċċess uniku għal informazzjoni dwar ir-reġistrazzjoni ta' trade mark u disinni. Il-kontenut offrut mill-EUIPO jista' għaldaqstant joriġina minn data tal-imsieħba u/jew ikun fih informazzjoni proprjetarja ta' parti terza.

L-informazzjoni ppubblikata fuq is-Sit Web tista' tiġi protetta mid-drittijiet ta' proprjetà intelletwali u industrijali. Id-drittijiet tal-proprjetà, fosthom id-drittijiet tal-awtur, li jeżistu f'xi informazzjoni disponibbli via s-Sit Web huma vestiti skont is-sjieda rispettivi tagħhom, li l-huma l-EUIPO, l-imsieħba tad-data jew il-parti terza skont kif inhi msemmija. L-aċċess għas-Servizzi ma jagħtix lill-utenti xi titlu ta' sjieda fl-Informazzjoni disponibbli għalihom fuq is-sit web. Id-drittijiet kollha li mhumiex speċifikament mogħtija hawnhekk huma riservati mis-sid(ien) rispettivi.

Dritt tal-użu

L-Aċċess għall-Informazzjoni u s-Servizzi ta' dan is-Sit Web hija mogħtija għal konsultazzjoni skont l-ambitu u l-għanijiet tal-EUIPO skont il-leġiżlazzjoni applikabbli tal-Unjoni Ewropea.

L-utenti li jtellgħu jew jissottomettu kontenut lill-EUIPO, ikunu qed jagħtu lill-EUIPU liċenzja dinjija biex jużaw, iżommu, joħolqu xogħlijiet derivattivi (bħal dawk li jirriżultaw mit-traduzzjonijiet, adattazzjonijiet jew bidliet oħra meħtieġa biex jassiguraw Servizzi iktar effiċjenti), jikkomunikaw, jippubblikaw, juru fil-pubbliku, u jqassmu tali kontenut, fil-limiti tal-ambitu u t-tul maħsub mil-leġiżlazzjoni applikabbli tal-Unjoni Ewropea.

L-Użu tal-Informazzjoni huwa rregolat kif ġej:

Il-liċenzja preċedentement imsemmija ma tkoprix l-Informazzjoni għal dritt ta' proprjetà intelletwali mogħti jew pendenti minbarra dak tad-drittijiet tal-awtur applikanti (e.g. trade marks, disinni u drittijiet tal-bażijiet tad-data). F'dak il-każ, u kull meta jkun hemm bżonn użu kummerċjali, l-utenti huma inkoraġġuti jfittxu permess speċifiku u espliċitu mingħand min għandu d-dritt(ijiet) ikkonċernat.

L-utenti, taħt l-ebda ċirkostanza, ma għandhom jużaw l-arma tal-EUIPO jew l-isem uffiċjali u l-kredenzjali tal-EUIPO biex jimplikaw affiljazzjoni, approvazzjoni jew rabta uffiċjali oħra mal-EUIPO mingħajr il-permess bil-miktub u l-awtorizzazzjoni formali mingħand l-EUIPO.

L-estrazzjoni ta' partijiet sostanzjali mil-bażi ta' data tal-EUIPO jew tal-kontenut li hemm - isir kif isir - mhux permess. L-utenti jistgħu jagħmlu deep links għal paġni speċifiċi tas-Sit Web. Madankollu, tekniki ta' integrazzjoni tal-web bħal framing jew inline linking mhumiex permessi.

Ċaħda

Id-data u l-informazzjoni aċċessibbli permezz tas-Sit web u li jirreferu għall-EUTM jew ir-Reġistri tal-RCD għandhom jikkostitwixxu 'entrati fir-reġistru' skont it-tifsira tal-Arikolu 87 tar-Regolament tal-Kunsill (KE) Nru 207/2009 tas-26 ta' Frar 2009 dwar it-trade mark tal-Unjoni Ewropea u l-Artikolu 69 tar-Regolament tal-Kummissjoni (KE) Nru 2245/2002 tal-21 ta' Ottubru 2002 li jimplimenta r-Regolament tal-Kunsill (KE) Nru 6/2002 dwar disinji Komunitarji.

L-informazzjoni provduta mill-EUIPO minn imsieħba li għandhom id-data hija murija bħala riċevuta, mingħajr xi tip ta' garanzija u għal skopijiet ta' informazzjoni biss. L-imsieħba li għandhom id-data huma unikament responsabbli mill-eżattezza u l-affidabbiltà tad-data u l-informazzjoni mogħtija. Jekk jogħġbok innota li l-Informazzjoni mogħtija minn imsieħba li għandhom id-data mhux neċessarjament tirrifletti l-opinjonijiet tal-EUIPO.

Minbarra għad-data u l-informazzjoni li tirreferi għall-EUTM u r-Reġistri tal-RCD, l-EUIPO jaħdem biex iżomm l-Informazzjoni aġġornata u preċiża. Madankollu, l-EUIPO ma jwiegħedx, ma jagħtix ċertezza u ma jiggarantixxix il-preċiżjoni, il-kompletezza jew adegwatezza tal-Informazzjoni disponibbli via s-Sit Web u, għaldaqstant, jirrinunzja b'mod ċar ir-responsabbiltà għal żbalji jew ommissjonijiet sal-massimu permess bil-liġi.

Minbarra fejn meħtieġ skont regoli statutorji jew dospożizzjonijiet applikabbli bil-liġi, l-Informazzjoni aċċessata via s-Sit Web hija ta' natura għal informazzjoni ġenerali biss. L-Informazzjoni, taħt l-ebda ċirkostanzi, ma għandha tiġi interpretata bħala parir professjonali jew legali.

L-EUIPO ma jaċċetta responsabbiltà għal kwalunkwe telfien jew ħsara li tista' tiġri meta wieħed joqgħod fuq l-Informazzjoni u s-Servizzi pprovduti via s-Sit Web, fosthom informazzjoni jew servizzi li huma hyperlinked mis-Sit Web li huma u għandhom jibqgħu taħt il-kontroll u r-responsabbiltà unika tal-partijiet terzi kkonċernati.

L-EUIPO mhux f'pożizzjoni li jiċċertifika l-awtentiċità ta' kull dokument sottomess minn parti terza, fosthom kwalunkwe informazzjoni mhemmija fit-tali dokument; l-EUIPO lanqas ma jista' jiggarantixxi l-konkordanza ta' testi uffiċjali ma' kopji korrispondenti diġitali li jistgħu jkunu disponibbli fuq is-Sit Web. Testi ppubblikati fl-edizzjonijiet stampati tal-Ġurnal Uffiċjali tal-Unjoni Ewropea u testi ppubblikat fil-Ġurnal Uffiċjali tal-Uffiċċju tal-Proprjetà Intelletwali tal-Unjoni Ewropea biss huma dokumenti uffiċjali awtentiċi.

Jekk kemm-il darba tinġibed l-attenzjoni għal żbalji jew omissjonijiet dwar l-Informazzjoni pprovduta via dan is-Sit Web, l-EUIPO minnufih għandu jikkoreġihom direttament jew, fejn huwa neċessarju, jirreferi l-affari lill-imsieħeb ikkonċernat li għandu d-data jew parti terza.

Privileġġi u immunitajiet

Skont Artikolu 117 tar-Regolament (UE) Nru 207/2009 dwar it-trade mark tal-Unjoni Ewropea, il-Protokoll dwar il-Privileġġi u l-Immunitajiet tal-Komunitajiet Ewropej għandu japplika għall-Uffiċċju u l-persunal tiegħu.

Kuntatt

Biex tikkuntattja lill-EUIPO rigward affarijiet relatati mas-Sit Web u b'mod partikolari mistoqsijiet dwar l-e-business, jekk jogħġbok sib id-dettaji ta' kuntatt meħtieġa fit-taqsima ‘Ikkuntattjana' tal-EUIPO. Għal mistoqsijiet oħra, e.g. għal trade marks u proċedimenti relatati magħhom, jekk jogħġbok uża l-informazzjoni rispettiva fuq is-Sit Web u l-bażijiet tad-data disponibbli.